مودرن نت
اهلا بيك منور المنتدى ونتشرف ان تكون من اعضاء المنتدى


......سجل معنا وشارك برأيك


!! ملاحظه.. معظم الواضيع الهامه لن تظهر الابعد التسجيل

مودرن نت.. ahmed helmy

مودرن نت

 
الرئيسيةالرئيسية  التسجيلالتسجيل  بحـثبحـث  دخولدخول  

شاطر | 
 

 تورتة عيد الام بالفراولة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اسماء جودة
عضو نشيط
عضو نشيط
avatar

عدد المساهمات : 45
تاريخ التسجيل : 06/03/2012

مُساهمةموضوع: تورتة عيد الام بالفراولة   الإثنين مارس 19, 2012 1:00 pm



تورتة عيد الأم بالفراولة
المقادير:

  • 6 بيضات
  • كوب دقيق
  • 3/ 4 كوب سكر
  • 1/ 4 ملعقة كبيرة بيكينج باودر
  • فانيليا


للتزيين:


  • عصير فراولة مُحلّى
  • 1/ 4 كيلو فراولة مقطّعة قطع صغيرة للحشو
  • فراولة مقطّعة أنصاف
  • جيلي فراولة ساخن
  • كريم شانتيه


الطريقة:
1- شغّلي الفرن على درجة حرارة 180، واضربي البيض مع السكر والفانيليا كويس أوي لغاية ما حجمه يتضاعف ويبقى عامل زي الكريمة ولونه يبقى فاتح، وخدي بالك إن أهم شرط لنجاح الكيكة الإسفنجية هو الخفق الجيّد للبيض علشان الهواء يدخل فيها وتبقى عالية وهشّة.

2- انخلي الدقيق كويس علشان تتخلّصي من الكتل اللي فيه، وتدخّلي فيه كمية من الهواء علشان حجمه يزيد، واخلطي معاه البيكينج باودر.

3- ضيفي الدقيق على خليط البيض تدريجيا مع التقليب المستمر باستخدام المضرب السلك اليدوي، علشان العجينة ما تهبطش منك، وسيبي العجينة على جنب لمدة 10 ثواني، ولو حسّيتي إنها هبطت اضربيها مرة تانية.

4- هاتي صينية متوسطة مقاس 28، ويا سلام لو كانت قالب على شكل قلب، وادهنيه بكمية بسيطة من الزيت أو السمنة، ورشّي عليها طبقة خفيفة من الدقيق مع مراعاة التخلّص من أي كمية دقيق زيادة.

5- صبّي العجينة في الصنية بس خلّي بالك إنك تصبّيها بالراحة وبشكل متواصل يعني العجينة ما تتقطّعش منك، وساوي الوش بتاعها كويس علشان ما يطلعش جانب أعلى من التاني.

6- دخّلي الصينية في الفرن لمدة 30 دقيقة أو لغاية ما تتأكّدي إن الكيكة استوت، بس بلاش تفتحي الفرن عليها كل شوية علشان ما تهبطش منك، وممكن في الآخر تختبريها بإنك تغرسي فيها طرف السكينة أو خلة الأسنان، لو طلعت نضيفة يبقى كده الكيكة استوت وتقدري تطلّعيها.

7- اقلبي الكيكة على طبق، وسيبيها تبرد شوية علشان تزيّنيها.

8- اقسمي الكيكة من النصف بالسكينة، واسقي قاعدة الكيكة بعصير الفراولة المحلاة أو بشربات خفيف (بتعمليه بإنك تخلطي كمية متساوية من الميه والسكر على النار لغاية ما تغلي، وبعد كده ارفعيها وسيبيها تبرد)، وممكن تحشيها من النصف بالكريم شانتيه أو قطع الفراولة صغيرة، وبعد كده حطّي عليها الطبقة العلوية من الكيكة، وافردي عليها طبقة تانية من الكريم شانتيه.

9- زيّني التورتة من فوق بأنصاف الفراولة، وممكن تعملي بها أي شكل تحبّيه؛ يعني ممكن تعملي بها شكل قلب، وممكن تحطّي كمية من الكريم شانتيه في كيس الحلواني وتعملي بها أشكال على حواف الكيكة من فوق ومن تحت.

10- وفي النهاية ممكن تلمّعيها بطبقة من جيلي الفراولة الساخن، علشان تديّها لون حلو، وبعد كده دخّليها الثلاجة علشان تبرد شوية، وبعدين قدّميها لست الحبايب مع الهدية.. وبالهنا والشفا.
الرجوع الى أعلى الصفحة اذهب الى الأسفل
 
تورتة عيد الام بالفراولة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مودرن نت :: المنتديات العامه :: منتدى المرأه-
انتقل الى: